Bi mebesta protestokirina zeman, li Geverê bi hezaran kes daketin qadan û bi dirûşma “Me dişîlînin” banga îstîfayê li hikûmetê kirin.
Li navçeya Gever a Colemêrgê bi hezaran kes ji bo protestokirina zemên li ceryan û pêdiviyên jiyanî hatine kirin, daket kolanan.
Welatiyên ku li ser Cadeya Nedîm Zeydan dest bi çalakiyê kirîn, bi dirûşmên “Me dişêlînin”, “Hikûmet îstîfa” û “Tedaşa şêlanker” meşiyan. Welatî heta ber deriyê Kargeha Anonîm a Belavkirina Ceryanê ya Vangoluyê (VEDAŞ) meşiyan. Li vê derê jî çalakiya xwe bi çepik û dirûşman berdewam kir.
Bi hatina welatiyan re polîsan avahiya VEDAŞ’ê dorpêç kir.
Hêjayî bibîrxistinê ye ku li navçeya Bazîd a Agiriyê jî bi hezaran kes bi heman mebestê daketibûn qadan.