Li navçeya Geverê ya parêzgeha Colemêrgê ya Bakurê Kurdistanê bi hêza 4,3 pileyan erdhejek çêbû.
Serokatiya Rêveberiya Karesat û Rewşên Bilez a Tirkiyeyê (AFAD) ragihand ku li navçeya Geverê ya Colemêrgê demjimêr 06:09ê bi hêza 4,3 pileyan erdhejek çêbûye.
AFADê diyar kir ku kûrahiya erdhejê 7 kîlometreyan di binê erdê de bûye.
Pisporan hişyarî dabû ku ew çaverê dikin erdhejên mezintir çêbibin.
Di erdhejên 6ê Sibata 2023yan ên Mereşê de li 11 parêzgehên Tirkiye û Bakurê Kurdistanê herî kêm 50 hezar kesî canê xwe ji dest da.
Ji wê demê ve erdhejên paşekî berdewam dikin.