Pêvajoya avakirina komelgehên niştecîkirina Ereb û Turkmenên hawirde li herêma Efrînê ya Rojavayê Kurdistanê hatiye berfirehkirin û bilezkirin. Herî dawî komelgehek ji 250 yekeyên niştecîkirinê li Cindirêsê hatiye avakirin
Li herêma Efrînê ya Rojavayê Kurdistanê, pêvajoya avakirina komelgehên niştecîkirina Ereb û Tirkumenên hawirde hatiye berfirehkirin û bilezkirin.
Ji bilî komelgehên ku amade bûne û hawirde di navde hatine niştecîkirin, hin komelgehên nû hatine biserrîkirin û hin jî karê avakirinê di nav wan de destpê kiriye.
Li gorî dîmenê ku çavkaniyekê ji Tora Medyayî ya Rûdawê re şandiye.
- Evkomelgeh li nêzîk gundê Kefer Sefrê
- Li nahiyeya Cindirêsê hatiye avakirin
- 250 yekeyên niştecîkirinê li xwe digire
- Mizgeft û navendên ezberkirina Quranê jî hatine avakirin
Yasanas û endamê komîteya rawêjkar a Partiya Demokrata Kurdistan- Sûriye Ednan Mûrad ji Tora Medyayî ya Rûdawê re got, di vê qonaxê de pêvajoya avakirina komlgehan berfireh bûye.
Ednan Mûrad got jî, hin xelkê Efrînê zeviyên xwe difiroşin û komeleg li ser tên avakirin, ev yek jî ji bo herêmê pir metirsîdar e.
Ji bilî komlgehên niştecîkirin, dibistan û navendên fêrkirina zanistên olî jî tên avakirin. Çavkaniyeke taybet ji nav Efrînê, ji Tora Medyayî ya Rûdawê re da zanîn ku bîr û baweriyên tundajo li dibistan û navendên ser bi grûpên Îslamî ve tên fêrkirin û belavkirin.
Avakirina komelgeh, dibistan û navendên zanistên olî ji aliyê hin Rêxistinên Tirkiyê ve wekî Beyaz Eller, û welatên gendavê, di serî de Qeter û Kiweyt ve tên peredarkirin.
Rudaw