Li Dihokê lehî rabû û du kesan canê xwe ji dest da.
Berdevkê Parastina Sivîl a Dihokê Biwar Ebdulezîz ragihand, “Wan du kesan canê xwe ji dest da ku îro berî nîvro otomobîla wan li ber ava lehiyê çûbû.”
Biwar Ebdulezîz da zanîn ku di wê otomobîlê de 4 kes hebûn, 2 ji wan bi derfetên xwe filitîne lê 2 ji wan mirine.
Li gorî agahiyên ku Biwar Ebdulezîz dane, hîn termên miriyan nehatine dîtin.
Li hêla din, Serokê Herêma Kurdistanê Mesrûr Barzanî ji Parêzgarê Dihokê Elî Teter xwest ku tedbîrên pêwîst bên wergirtin.
Hat zanîn, lehiyê li Dihokê daye ser gelek mal û dikanan û bûye sedema xisareke giran.
Parêzgariya Hewlêrê jî hişyarî da xelkê da ku ji ber egera lehiyê di navebra saet 13:00 û 18:00an de dernekevin derve.