Di bombebarana li Bendava Tişrînê de 2 sivîl mirin û 10 kes jî birîndar bûn.
Êrişên çekdarên "Artêşa Niştimanî ya Sûriyeyê" ya nêzikî Tirkiyeyê yên li hemberî Hêzên Sûriyeya Demokratîk (HSD) berdewam dikin.
Li derdora Bendava Tişrînê û Pira Qereqozaqê di navbera HSD û komên çekdar de şer û pevçûnên dijwar derdikevin.
Her wiha Tirkiye jî bi dron, topbaran û balafirên şer jêrxaneyên Rojavayê Kurdistanê bombebaran dike.
Rewangeha Mafên Mirovan a Sûriyeyê (SOHR) ragihand ku droneke Tirkiyeyê îro sivîlên ku li Bendava Tişrînê nobed digirt bombebaran kirin.
Di encama bombebaranê de 2 sivîlan canê xwe ji dest da û 10 sivîl jî birîndar bûn.
Xelkê Rojavayê Kurdistanê jî bi armanca parastina bendavê û nîşandana dijbertiya xwe ya li hemberî êrişan li bendavê nobedê digire.
Tirkiyeyê heta niha gelek caran êrişî wan sivîlan kiriye.