Navenda Nûçeyan - Li bajarê Amedê 20 endam û berpirsên Partîya Demokratîk a Gelan (HDP) û Partîya Herêmên Demokratîk (DBP) hatin desteserkirin.
Tohmeta desteserkirina wan heta niha nehatîye aşkerekirin û lêpirsîna wan li Asayîşa Amedê berdewam e.
Herwiha li bajarê Wanê jî 47 kes bi tohmeta alîkarîkirina PKKê hatine desteserkirin û li bajarên wekî Dêrsim, Şirnex, Enqere û Kocaelîyê jî 33 kes di çarçoveya lêpirsînên PKKê de hatine desteserkirin.
Roja 15ê Sibatê salvegera girtina Rêberê PKKê Abdullah Ocalan e û pêwendîya hejmarek ji oprasyonan bi vê yekê re girêdayî ye.