Li Rihayê ji ber barana bihêz, lehî rabû û av derbasî nava Nexweşxaneya Hikûmî ya Rihayê û hejmareke mezin mal û avahiyan bû. Parêzgeha Rihayê jî ji bo dibistanan betlane ragihand.
Li bajarê Rihayê yê Bakurê Kurdistanê baraneke bihêz barî û lehî rabû. Di encama lehiyê de Nexweşxaneya Hikûmî ya Rihayê jî di bin avê de ma.
Parêzgarê Rihayê Salih Ayhan got, jûra çavdêriya hûr a nexweşxaneyê di bin avê de maye, lê tîmên wan di zûtirîn dem de xwe gihandine nexweşxaneyê û nexweşxane ji ava baran paqij kirine. Da zanîn jî, 25 nexweş ji nexweşxaneyê hatine derxistin û bo nexweşxaneyên din hatine vegûhestin.
Parêzgarê Rihayê hişyarî jî da û got, ew pêşbînî dikin ku îro jî baraneke bihêz bibare û divê welatî ji her egereke neyînî re amade bin.
Her wiha Parêzgeha Rihayê îro ji bo dibistanan betlane jî ragihand.