Li navçeya Bazîdê ser bi parêzgeha Agirî ya Bakurê Kurdistanê ji ber barana zêde lehî rabû û li 3 gundan 19 xanî di bin avê de man û hejmarek zeviyên çandiniyê zerar dîtin.
Li 3 gundên ser bi navçeya Bazîdê şeva borî ji ber barana zêde lehî rabû û li Karabulak 15, li Gurbulak 3 û Bardakli jî xaniyek bi giştî 19 xanî di bin avê de man û beşeke zêde ya zeviyên çandiniyê jî ji ber ava zêde zerar dîtin.
Herwiha ji ber lehiyê çûn û hatina otomobîlan jî zehmet bûye.
Li gor agahiyan tîmên agirvemirandinê û yên girêdayî Serokatiya Rêveberiya Karesat û Rewşên Bilez (AFAD) li cihê bûyerê dest bi kar û xebatan kirine. Lê heta niha çiqas zerar û ziyan çêbûne nexuya ye.