Li seranserî Kurdistanê kurdên misilman/sunnî nimêja cejna Qurbanê kirin û dest bi pîrozbahiyên cejnê kirin.
Îro, 11 Tebaxê li piraniya welatên îslamî/sunnî cejna Qurbanê ye.
Li Bakûr, Başûr, Rojava û Rojhilatê Kurdistanê jî kurdên misilman/sunnî nimêja cejnê kirin û bi qurbankirina ajelan dest bi pîrozkirina cejnê kirin.
Di cejna Qurbanê de xelk diçin ser goristanan û miriyên xwe bibîr tînin, diçin malên hev û pîrozbahiyê li hev dikin.
Salane bi hezaran kurd jî diçin hecê û cejna xwe li wir pîroz dikin.
Li gorî amarên fermî, îsal nêzîkî 2.5 milyon kes çûne hecê û li wir cejna Qurbanê pîroz dikin.
Misilmanên şîe, ku Îran serkêşiya wan dike, dê sibê bikin cejn.