Bi beşdariya malbata gorbihuşt, birayê wî Hoşeng Osman û xwişkên wî Hungur û Hêvî û hejmarek Kurdên Swêdê, Hoşîn Osman li goristana Jarfalla ku di nav welayeta Stockholmê de ye, spartin axê.
Di merasima binaxkirina Hoşîn Osman Sebrî de çi bigre hemû sîmayên naskirî yên ji Rojavayê Kurdistanê beşdar bûn. PAK-Ewropa bi qevdegulek beşdarîya merasimê bû.
Hoşîn Osman di 9ê tîrmehê çû ser dilovaniya xwe.
PAK Ewropa bi peyameke serxweşiyê malbata rehmetî kiribû.
Peyama PAK-Ewropa
"Duh, di 09/07/2022an de, bi dilekî kovan û xemgîn me nûçeya mirina Hoşîn Osman Sebrî bihîst. Dilovaniya Xwedê lê be, ruhê wî şad û cihê wî bihuşta rengîn be. Em endam û alîgirên PAK Ewropa sersaxî ji malbata wî re, ji xizm, dost, heval û hogirên wî re dixwazln. Bila serê gelê kurd û kurdistanê sax be. "
Rûpela Nû / Swêd