Kurdekî Sunî yê ji herêma Hewramanê bû parêzgarê nû yê Parêzgeha Sineyê ya Rojhilatê Kurdistanê.
Berdevka Hikûmeta Îranê Fatîme Mihaciraniyê ragihand ku Kabîneyê di civîna xwe ya îro de biryar daye li parêzgeranên “Sine” û “Kuhgîloye û Biwîrehmed”ê parêzgarên nû werin tayînkirin.
Li gorî gaahiyên ku Fatîme Mihaciraniyê dane, Areş Lihonî bûye parêzgerê nû yê Sineyê ku Kurdekî Sunî ye.
Areş Lihonî xelkê bajarê Paweyê yê parêzgeha Kirmaşanê ya Rojhilatê Kurdistanê ye.
Lihonî serdema 11an a Parlamentoya Îranê bajarên Pawe, Ciwanro, Selas Bawecanî û Riwanser temsîl kiribûn.
Parêzgarê niha yê Sineyê Îsmaîl Zariî Kuşa ji bajarokê Quruweyê yê Sineyê ye û Kurdekî Şiî ye.
Kabîneya serokkomarê berê yê Îranê Îbrahîm Reîsî 11ê Çiriya Paşîn a 2021ê Îsmaîl Zariî Kuşa tayînî Parêzgariya Sineyê kiribû.