Kremlîn: Danûstandinên Rûsya û Ukrayna Dibe ku Sêşemê li Tirkîyê Destpê Bikin

Ajansa nûçeyan ya Reutersê îro Duşemê ragihand ku danûstandinên aştîyê yên Rûsya û Ukrayna dibe ku sibê Sêşemê li Tirkîyê jinûve destpê bikin.

Kremlînê ser danûstandinan dîyar kir ku heta niha ‘’her çiqas pêşdeçûneke kêm çêbûye’’ danûstandinên rûbirû ‘’girîng’’ in.

Serokê Rûsya Vladimir Putin û hemtayê wî yê Tirk Recep Tayyîp Erdogan do Yekşemê bi rêka telefonê axifîbûn û her duyan li hev kiribûn ku danûstandinên ser aştîyê li Stenbolê çêbin.

Karbidestên Tirkîyê dibêjin ku dibe ku danûstandin îro Duşemê destpê bikin, lê Berdevikê Kremlînê Dmitry Peskov dîyar kir ku danûstandiner ancax îro bigêhînin Stenbolê û ne li ber e ku hevdîtin îro çêbin.

Peskov ji rojnamevanan re da zanîn ku ser hevdîtina belkîyî ya Putin û hemtayê wî Ukraynî Volodymyr Zelenskyy jî ti pêşdeçûn çênebûye.