Konsulê Giştî yê Fransayê li Herêma Kurdistanê Yan Brem îro (Çarşem, 08.05.2024) serdana Mezarê Nemiran kir û ji aliyê Mela Mistefayê Barzanî ve pêşwazî lê hat kirin.
Konsulê Giştî yê Fransayê li Herêma Kurdistanê di konfiranseke rojnamevanî de ragehand, “Ez gelek dilxweş û serferaz im ku îro derfet ji min re çê bû ji bo cara yekê serdana devera Barzanê û Mezarê Nemiran bikim”.
Konsulê Giştî yê Fransayê herwesa got, “Wekî nûnerê hikûmeta Fransayê li Herêma Kurdistanê, ev serdan ji bo me gelek giring e û xasma ku Fransa dosta dêrîn a gelê Kurd e”.
Yan Brem di pareke din a gotinên xwe de amaje da, “Bi nerîna me wekî Fransa, devera Barzanê landik û dilê şoreşa gelê Kurd e. Devera Barzanê di eynî demê de cihê dîrokeke dramatîk û trajîdî ye jî”.
Navbirî di wê konfiransa rojnamevanî de piştevaniya gel û Hikûmeta Fransayê ji bo Herêma Kurdistanê tekez kir û herwesa tekez kir ku ew ji bo berdewamkirina peywendiyan bi Herêma Kurdistanê re di hemî waran de kar dikin.
Nûçe: Kurdistan 24