Hat ragihandin ku bi çavdêriya Serok Barzanî û piştevaniya Serokatiya Encûmena Wezîran a Herêma Kurdistanê, di destpêka meha Nîsana 2023yan de, li Hewlêrê konferanseke zanistî li ser jenosîda Kurdên Feylî tê lidarxistin.
Konferans bi hevbeşiya zanîngehên Selahedîn, Duhok û Soranê û bi beşdariya hejmarek pispor, akademîsyen, dîroknas, kesayetên şareza yên navdewletî yên di vî warî de, ku lêkolînên xwe yên herî dawî pêşkêş bikin, dê were sazkirin.
Roja bîranîna şehîdên Kurdên Feylî roja Sêşema 4ê Nîsana 2023yan e ku wê li Hola Se'd Ebdullah a li Hewlêrê di demjimêr 09:30 xulekan de dest pê bike û 3 rojan dewam be.
Organîzatorên konferansê bi daxuyaniyekê ragihandin, jenosîda Kurdên Feylî pêleke dirindane bû ku rejîmên Iraqê bi çendîn qonaxan li dijî Kurdên Feylî encam dan û di serdema Be'sê de jî gihîştiye lûtkeyê.
Lînkên beşdarîkirina konferansê û tomarkirina navên kesên lêkolînan pêşkeş bikin: