Serokê Komela Dadgerî ya Kurdistanê Elî Bapîr di daxuyaniyekê de ragihand, nûnerên partiya wan ji Parlamentoya Kurdistanê û encûmena parêzgehan û encûmena parêzgeha Silêmaniyê vedikişin.
Îro duşemê 1ê Gulanê, Serokê Komela Dadgerî ya Kurdistanê Elî Bapîr di daxuyaniyekê de eşkere kir, di civîna giştî ya partiya xwe de biryar dane, nûnerên wan ji Parlamentoya Kurdistanê û encûmena parêzgehan û encûmena parêzgeha Silêmaniyê vekişin.
Di daxuyaniyê de hat destnîşankirin, paşxistina hilbijartinan û bi neçarî dirêjkirina temenê saziyan, tirsa cidî li ser qewareya Herêma Kurdistanê dirust kiriye.
Herwiha behsa wê yekê hatiye kirin ku temenê encûmena parêzgehan û encûmena parêzgeha Silêmaniyê dem ji ser çûye.