Serokê Giştî yê CHPê Kemal Kiliçdaroglu di roja xwe ya duyem a serdana Diyarbekirê de, derbarê pirsa Kurd de daxuyanî dan.
Kiliçdaroglu di bernameyeke li Diyarbekirê de got, "Ji bo çareserkirina pirsa Kurd 5 prensîbên me yên bingehîn hene” û wiha axivî:
“Yekem; divê em biryarê li ser cihê çareseriyê bidin. Pirsgirêk li Parlamentoyê tê çareserkirin. Min ji destpêkê ve ev gotiye. Min li ser çawaniya çareseriyê ji Birêz Erdogan re name jî şand. Duyem; Divê em ji bo çareseriyê dilsoz û dirust bin. Sêyem; Divê ajandayeke şexsî û veşarî nebe. Çarem; Divê ti lihevkirineke ji gel re neyê ravekirin çênebe. Pênc; Dema prose dewam bike divê hem parlamento hem jî gel pê were agahdarkirin. Nêrîna me ev e.”
Kiliçdaroglu li ser mijara danîna qeyûman li şûna şaredarên hilbijartî jî got, em bi awayekî regezî li dijî qeyûman e.