Îro li Rojavayê Kurdistanê Mala Êzidiyan, Roza Emîn a 19 salî dît, ku ji sala 2014an ve ji aliyê DAIŞê ve hatiye revandin.
Keçeke din a Êzidî ku ji sala 2014an ve ji aliyê DAIŞê ve hatibû revandin, hat dîtin û di demeke nêz de dê bi kesûkarên xwe şad bibe.
Îro li Rojavayê Kurdistanê Mala Êzidiyan, Roza Emîn a 19 salî dît, ku ji sala 2014an ve ji aliyê DAIŞê ve hatiye revandin.
Roza Emîn piştî dagirkirina Şingalê di Tebaxa 2014an de ji aliyê DAIŞê ve hat revandin û ji wir ew veguhestine Telefer û ji wê derê jî bo Sûriyê.
Roza dema ketiye destê çekdarên DAIŞê temenê wê tenê 12 salî bûye. Ne tenê Roza, hemû endamên malbata wê hatine revandin.
Bi azadbûn û rizgarkirina wê, Roza Emîn dibe kesa şeşem a malbata xwe ku rizgar bûne, hîn heft endamên wê mane ku çarenûsa wan ne diyar e.
Tê çaverêkirin ku di çend rojên bê de Roza vegere warê xwe, malbat û kesûkarên wê li komelgeha Êzidiyan ji bo pêşwaziya wê amadekarî dikin.
K24