Di encama mûşekbarana li ser kampeke Efrînê de, kesek hat kuştin û 8 kesên din birîndar bûn.
Rewangeha Sûrî ya Mafê Mirovan belav kir, kampa Kuweyt Rehmê li gundewarê Efrînê bi mûşekan hat armanc kirin û di encamê de kesek hat kuştin û 8 kes birîndar bûn ku di nav wan de zarok hene.
Li gorî Rewangehê, mûşek ji navçeyên bakurê Helebê yên di bin desthilata rêjîma Sûriyê û HSDê ve hatin avêtin.
Kampa Kuweyt Rehmê li nêzîkî gundê Tirindê ye û erebên ku ji navçeyên cuda yên Sûriyê hatine Efrînê, lê hatine bicihkirin.
Di çarçoveya proseya guhartina demografiya Efrînê de, dora 20 kamp û komelgehên niştecîbûnê ji bo bicihkirina malbatên çekaran û ereban li Efrînê hatine avakirin. Ev komelgeh bi rêya rêxistina (AFAD) ya Tirkî û bi piştevaniya darayî ya Qeter û Kuweytê û rêxistinên Filistînî hatine avakirin.
(K24)