Hat ragihandîn ku îro Yekşemê Encûmena Wezîran a Herêma Kurdistanê, bi serokatiya Serokwezîr Mesrûr Barzanî û amadebûna Cîgirê Serokwezîr Qubad Talebanî civîna xwe ya asayî pêk tîne.
Hat diyarkirin ku wê di civînê de, ji aliyê Serokwezîr Barzanî ve kurteyek derbarê beşdariya Korbenda Aboriya Cîhanê li Davosê de, were pêşkeş kirin.
Li gorî bernameya civîna Encûmena Wezîran, wê di civînê de Reşnivîsa dawî ya Tîma Çavdêriya Darayî ya Hevbeş a Herêma Kurdistanê û Hikûmeta Federal jî were gotûbêjkirin.
Herwiha di civînê de, raportek derbarê rewşa sektora geştûguzarê li Herêma Kurdistanê de tê pêşkeşkirin û Reşnivîsa projeyasaya (yekem sererastkirina yasaya parastin û çakkirina jîngehê li Herêma Kurdistanê - Iraqê) tê gotûbêjkirin.