Serokê Amerîkayê Joe Biden, bi pêwendiyeke telefonî bi Serokê Rûsyayê Vladimir Putin re axifî.
Li gor daxuyaniya Koşka Spî, di pêwendiya telefonî de her du serokên Amerîka û Rûsyayê behsa çend dosyeyên herêmî û navdewletî kirine û li ser stratejiya seqamgiriyê axifîne.
Herwiha hat destnîşankirin, Joe Biden nîgeraniya Amerîkayê li ser aloziyên serbazî yên Rûsyayê yên li ser sînorê Ukraynayê nîşan daye û pêşniyar kiriye, civîneke lûtkeya sêalî di çend mehên bê de were kirin ji bo gotûbêjkirina hemû dosyeyên di navbera Amerîka û Rûsyayê de hene.