Navenda Nûçeyan- Alozbûna rewşa Iraqê ne tenê bandor li jîyana rojane û sîyasî ya Iraqîyan dike, bandor li çalakîyên sporê jî dike.
Ji ber wê jî federasyona fûtbola Iraqê biryar daye yarîyên lîga sûper ya Iraqê li yarîgehên Başûrê Kurdistanê bên lîstin.
Lîga sûper ya Iraqê bi ser sê koman de hatîye parvekirin:
Koma yekem ji van tîman pêk tê: Zerwa, Nefta Başûr, Mîna, Necef û Kareba.
Yarîyên koma yekem dê li yarîgeha bajarê Zaxo bên lîstin.
Koma duyem ji van tîman pêk tê: Quwe Cewîye, Hidûd, Pîşesazîya Karebayê, Emîndarîya Bexdayê û Neft.
Yarîyên koma duyem jî dê li yarîgeha Duhokê bên lîstin.
Koma sêyem jî ji van tîman pêk tê: Hewlêr, Şorte, Nefta Mîsan, Nefta Başûr û Telebe.
Yarîyên koma han jî dê li yarîgeha Frenso Herîrî ya Hewlêrê bên lîstin.