Cîgira wezîrê karên derve yê Amerîkayê ku ji karên Iraqê û Îranê berpirse Jennifer Gavito ragihand ku wê desteka Amerîkayê ji bo Pêşmerge dewam bike. Gavito got ku bi Herêma Kurdistanê re têkiliyên Amerîkayê gelek xwurtin û bi xwurtî behsa desteka Pêşmerge kir.
Gavito ragihand ku derfeta wê heye bi serokê Herêma Kurdistanê bi Nêçîrvan Barzanî û serokwezîr Mesrûr Barzanî re hevdîtinan bike û di avakirina hukumeta nû ya Iraqê û di yekîtiya Kurdan de endîşeyên wê hene.
Gavito her weha behsa gaz û petrolê jî kir û got ku girîngiyê didin aboriya Herêma Kurdistanê û Iraqê û yekîtiya axa Iraqê û Herêma Kurdistanê di nav de destek dikin.
Gavito her weha behsa desteka Amerîkayê ya leşkerî kir û got ku dixwazin li hemberê êrîşan bi hêzên Iraqê û Pêşmerge ya ku karibin li hember êrîşan rawestin emîn bin. Di mijara reforma di wezareta Pêşmerge de desteka xwe anî ziman û got wê destek her dewam bike.