Îro 29.10.2022yê şandeyekî PDKê serdana aliyên siyasî yên Herêma Kurdistanê dike û derbarê rewşa siyasî û aborî û astengiyên pêş kabîneya nehem a Hikûmeta Herêma Kurdistanê de danûstandinan dike.
Biryare îro şandeya PDKê serdana aliyên siyasî bike û ev serdan dê çend rojan berdewam bikin.
Li gor zanyariyên BasNewsê îro şandeya PDKê bi serokatiya Piştîvan Sadiq, Sasan Ewnî, Umêd Sebah û Sefîn Dizeyî de serdana aliyên siyasî yên Herêma Kurdistanê dikin û yekem serdan jî dê demjimêr 10:00ê sibehê ji bo Hizba Şûî ya Kurdistanê (Partiya Komînîst) bê kirin û piştre jî dê şande serdana Partiya Zehmetkêşên Kurdistanê bike.
Herwaha li gor zanyariyên BasNewsê di vê serdanê de rewşa siyasî û aborî û projeyên kabîneya nehem û astengiyên li pêş komkirina dahat û cîhbicîh kirina karnameya kabîneya nehem dê ji aliyên siyasî re bê rawe kirin.
Biryare sibe serdana aliyên din ên siyasî jî bê kirin.
Basnews