Berpirsa Peywendiyên Derve ya Rêveberiya Xweser ji K24ê re ragehand, “Ew belgewyên ku aliyên Kurdî hene di vê konferansê de tên ragehandin.”
Berpirsa Peywendiyên Derve ya Rêveberiya Xweser Îlham Ehmed îro (Yekşem, 20.04.2025) ji bernameya Basî Rojê ya K24ê re ku îşev seet 09:00 tê pêkêşkirin got, “Piştî diyalog û danûstandinên berdewam ên aliyên Kurdî li Rojavayê Kurdistanê di derheqa belgeyekê de ku li ser yek heye, ew belge di konferansa Kurdî de tê ragehandin.”
Îlham Ehmed herwesa got, “Amadekariyên lidarxistina wê konferansê di qonaxa dawiyê de ne. Hin têbîniyên asayî mane, ew jî tên çarekirin. Em hêvîdar in ku bi zûtirîn dem ew konferans bê lidarxistin.”
Berpirsa navbirî herwesa got, “Sîstema navendî li Sûriyêyê nema tê qebûlkirin, divê sîstemê Sûriyeyê nenavendî be û hemû pêkhateyan vegire.”
Berpirsa Peywendiyên Derve ya Rêveberiya Xweser amaje jî da, “Eger sîstema navendî bê sepandin, ev yek dê rêyê li ber nakokî û şerên nû veke.”
Pêştir jî Îlham Ehmed di çarçoveya paneleke Dîdara Silêmaniyê de got: “Sîstema navendiyê di dîrokê û rewşên siyasî yên destnîşakirî de derketin û bi xwe re kirîz anîn, lewma em dibînin ku sîstema navendî ya tund doz û pirsgirêkan çareser nake, berûvajî wê kûrtir dike, lewma em dibînin ku nabe Sûriye vegere beriya sala 2011 û divê nenavendî be û mafê pêkhateyan hemûyan tê de parastî be.”