Li gorî Federasyona Rojnamegeran a Navneteweyî (IFJ) îsal ji rojnameger û xebatkarên medyayê yên li seranserê cîhanê hatin kuştin jê 68ê wan li Xezeyê hatin kuştin.
Li gorî daxuyaniya Federasyona Rojnamegerên Navneteweyî (IFJ) ya 31ê Kanûna Pêşiyê, di sala 2023an de 120 rojnameger û xebatkarên çapemeniyê hatin kuştin. Ji wan rojnamegeran 11 jin bûn.
Li gorî daneyên IFJê beriya 10ê Kanûna Pêşiyê Roja Mafên Mirovan a Neteweyên Yekbûyî (NY) 94 rojnameger hatin kuştin û Sedema zêdebûna vê hejmarê şerê ku Îsraîl li Xezeyê birêve dibeye.
Federasyonê diyar kir ku îsal ji rojnameger û xebatkarên çapemeniyê yên li seranserê cîhanê hatin kuştin jê sedî 68ê wan li Xezeyê hatin kuştin.
Di encama şerê li Xezeyê de 75 rojnamevanên Filistînî, 4 Îsraîlî û 3 rojnamevanên Lubnanî hatin kuştin. Li Sûriyeyê jî 3 rojnameger hatin kuştin.
Li herêma Asya-Pasîfîkê li Hindistan, Afganîstan, Fîlîpîn, Bangladeş, Pakistan û Çînê bi giştî 12 rojnameger hatin kuştin. Li Amerîkaya Bakur û Başûr di sala 2023an de 10 rojnameger hatin kuştin.
IFJ, li Kamerûn, Sûdan, Lesoto, Malî, Somalî, Mozambîk û Nîjerya li Afrîkayê 8 rojnameger hatin kuştin. Li Ruandayê rojnamevanek di encama qezayekê de mirine.
Li ser sînorên Ewropayê, di şerê Ûkraynayê de 3 rojnameger û xebatkarên çapemeniyê, 1 Ukraynî, 1 Rûs û 1 Fransî mirine. Li Arnavutlukê jî rojnamegerek hat kuştin.