HSD: Piştî Kêmbûna Êrîşên Tirkîyê Operasyonên Hevbeş Jinûve Destpê Kirin

Hêzên Sûrîya Demokratîk (HSD) îro Duşemê ragihand ku wê bi Amerîka re jinûve dest bi operasyonên hevbeş yên dijî terorê kirine.

Koalîsyona bi pêşengîya Amerîka ser daxuyanîya HSD’ê hîn ti şîrove nekiriye.

HSD’e Îna borî dabû zanîn ku jiber êrîşên Tirkîyê ew neçar mane ku operasyonên hevbeş yên dijî terorê rawestînin û koalîsyonê jî rawestandina operasyonan piştrast kiribû.

Amerîka, HSD’ê, ku Yekîneyên Parastina Gel (YPG) pêşengîya wê dike, di têkoşîna dijî Dewleta Îslamî (DAIŞ) de wek aktoreke girîng dibîne.

HSD’ê hefteya borî dabû zanîn ku tevgerên Tirkîyê zararê didin operasyonên dijî DAIŞ’ê û ji Washingtonê xwestibû ku dijî Enqerê bertekên tundtir nîşan bide.

Wezîrê Berevanî yê Amerîka Lloyd Austin li dû banga HSD’ê d'yar kiribû ku ew bi tundî dijî helwesta Tirkîyê ne û ew naxwazin ku hêzên Tirk operasyonê êrîş bibin ser bakurê Sûrîyê.

Berdevikê HSD’ê Sîyamend Alî ji Reutersê re got ku bi kêmbûna êrîşên Tirkîyê, operasyonên hevbeş yên bi koalîsyonê jinûve destpê kirine.

Alî da zanîn ku hîndarîyên hevbeş yên bo perwerde jî jinûve li dar dikevin.