Navenda Ragihandinê ya Hêzên Sûriya Demokratîk (HSDX9 derbarê bîlançoya 24 saetên dawî ya êrîşên artêşa Tirkiye û çekdaran li ser herêmê û bersivdana hêzên wan de agahî belav kirin.
HSDê ragihand ku hêzên wan doh Şemiyê êrîşên artêşa Tirkiye û çekdaran bi ser nuqteyên hêzên HSDê de li derdora Bendava Tişrînê û Pira Qereqozaqê têk birine.
Hate diyarkirin, balafirên şer ên Tirk li derdora Bendava Tişrînê rêze êrîş pêk anîne û di heman demê de gundên derdora bendavê (başûrê rojhilatê Minbicê) bi çekên giran hatine topbaran kirin. Çekdaran saet 17.00ê êrîşî nuqteya şervanên HSDê li derdora Girê Syriatel kiriye û şervanan bersiva êrîşê daye ku di encama şer de kuştî û birîndarên çekdaran çêbûne, lê hejmara wan nehat zanîn.
Herwiha hate gotin, balafirên şer ên gundên Tîna, Xeseq û Melha yên derdora Pira Qerezoaqê bombebaran kirin. Gundên Tîna, Cade, Bîr Hiso, Xeseq, Dîkan, Melha, Sinaa, girên Sêvê û Qereqozaqê bi zêdetirî 30 guleyên obîsên giran, tank, roket û hawnan bi zêder jî topbaran kirin. Di encamê de zirarên madî yên mezin li milkên sivîlan bûn.
Li derdora Pira Qereqozaqê jî di navbera şervanên û çekdaran de şer derket û li gorî daxuyaniyê di encamê de hejmarek çekdar hatine kuştin û birîndarkirin. Eniya Dêr Hafir, droneke kamikaze dema hewl da xwe li nuqteyeke hêzên HSDê biteqîne, lê hatiye xistin.
Li asîmanên Kobanê û Eyn Îsa û gundewarên wê, liv û tevgera balafirên şer û yên bê mirov ên Tirkiyê jî di nav 24 saetan de berdewam kiriye.