Wezareta Navxweyî ya Hikûmeta Herêma Kurdistanê, îro, roja Şemiyê, (05.05.2025) nûçeyên ku dibêjin êrîşeke bêpîlot li Hewlêrê baregeheke bi ser Îsraîlê ve kiriye armanc red kirin.
Di daxuyaniyekê de, wezaretê tekez kir ku tu baregeh an jî tesîsên Îsraîlê li Herêma Kurdistanê nînin, û got ku li çolê nêzîkî Hewlêrê droneke bi teqemeniyê barkirî ya ket xwarê, bêyî ku tu qurbanî an ziyanên madî çêbibin.
Daxuyaniyê destnîşan kir ku êrîş mihtemelen ji hêla komeke bi ser Heşdî Şe’biyê ve hatiye kirin, bi armanca diristkirina bêîstîqrarî û tevliheviyê.
Çavkaniyekî ewlehiyê berê ragihandibû ku dengê du teqînan li nêzîkî Balafirgeha Navneteweyî ya Hewlêrê hatiye bihîstin.
Ji dawiya şerê Îran-Îsraîlê di dawiya Hezîrana 2025an ve, çalakiyên dronan li Herêma Kurdistanê zêde bûne. Heta niha, tu rêxistinê berpirsiyariya bûyerên dawî li xwe negirtiye.