Wezîrê Darayî û Aborî yê Hikûmeta Demkî ya Sûriyê Ebdulhekîm Mistefa Misrî got ew spasya Herêma Kurdistanê û Dezgehê Xêrxwazî ya Barzanî dikin ku alîkarî gihandine wan.
Ebdulhekîm Misrî diyar kir ku ew ji bo gihandina alîkariyan bo herêmê amade ne her hêsankariyan bikin û got: “Bi rastî bersivdayîna lezgîn a dezgeh bû û rola gelê Kurdistana Iraqê di derbaskirina êşa ziyanmendên erdhejê de gelekî mezin bû.”
Misrî diyar kir ku pêdiviya wan bi alîkariyeke zêdetir heye, tenê Cindirêsê pêdiviya wê bi 4 hezar çadiran heye û got: “Pêdiviya Efrînê jî bi hezar çadiran heye, pêdiviya giştî herêmê bi nêzîkî 8 heta 9 hezar çadiran heye, pêwîstî bi betaniyan heye.”
Di heman demê de Misrî da zanîn ku “Heta niha li gorî amarên dawî yên şeva borî 4 hezar û 200 şehîd hene û nêzîkî 7 hezar û 500 birîndar jî hene, birîna piraniya wan sivik in û ji ber astengiyên li nexweşxaneyan piraniya wan di malan de tên dermankirin.”
Rûdaw