Hêzên Tirkiyê û grûpên çekdar yên ser bi wê ve ji navçeya Şiyê û Mabate yên Efrîna Rojavayê Kurdistanê zêdetirî 100 daran birîn.
Li gor çavkaniyên xwecihî, hêzên Tirkiyê û grûpên çekdarên ser bi wê ve zêdetir ji 100 daran li gundê Hec Qasimo yê Mabate û gundê Dalu yê Şiyê yên Efrîna Rojavayê Kurdistanê birîne.
Heman çavkaniyan da zanîn, ji bilî birîna daran û talankirina milk û malê welatiyên ji aliyê Hêzên Tirkiyê û grûpên çekdarên girêdayî wê ve di guherîna demografiyê de jî berdewam in.
Li gor amarên Rêxistina Mafên Mirovan Efrîn-Sûriye heta niha hêzên Tirkiyê û grûpên çekdar ên girêdayî wê Tirkiyê zêdetir ji 34 hezar darên zeytûnan li Herêma Efrînê birîne