Cîhgirên Serokê Giştî yê PAKê Kasim Ergun û Mehmet Gul, endamên Meclîsa PAKê Mehmet Dortyama û Seyîd Bayram, endamê PAKê Yemlihan Ozkan, li gel rewşenbîr û sîyasetmedarê welatperwerê Kurd Huseyîn Taysûn, Serokê Komeleya Kûrtalanîyan Hasan Dalmiş, roja 27.08.2022yê, beşdarî tazîyeya Komeleya Çandî û Piştgirîyê ya Derikîyan ya li Stenbolê bûn.
Li ser navê heyeta PAKê, Cîhgirê Serokê Giştî yê PAKê Kasim Ergun, sersaxî ji hemû malbatên qurbanîyên facîaya qezaya trafîkê ra û şîfaya xêrê ji birîndaran ra xwest û piştgirîya PAKê ji hemû gelê me yê Dêrikê ra pêşkêş kir.
Serokê Komeleya Çandî û Piştgirîyê ya Derikîyan ya li Stenbolê Sedat Gungorur û rêvebirên komeleyê jî pêşewazîyeke germ li heyeta PAKê kirin û spasîya heyetê kirin.
Komeleya Çandî û Piştgirîyê ya Derikîyan ya li Stenbolê bi minasebeta facîaya qezaya trafîkê ku li Dêrikê çêbibibû û 21 kesan jiyana xwe ji dest dabûn, bi dehan kes jî birîndar bibûn, roja 27.08.2022yê tazîyeyek li dar xist.Gelek dezgeh û partî û kesayet, li gel Dêrikîyên ku li Stenbolê ne beşdarî tazîyeyê bûn.
27.08.2022
Buroya Çapemenî û Ragehandinê ya PAKê