Heyeteke PAKê ya ku ji Cîhgirên Serokê Giştî yê PAKê Nurullah Timur û Vahit Aba, Berdevkê PAKê Hanifi Turan û endamê Meclîsa Partîyê ya PAKê Abdullah Polat pêk hatî, roja 06.12.2021ê li Amedê seredana Komeleya Sêweregîyan kir.
Serokê Komeleya Sêweregîyan Burhan Erol, rêvebir û endamên Komeleyê pêşewazîya heyeta PAKê kirin.
Heyeta PAKê di derbare rewşa heyî ya gelê me tê de dijî de bîr û rayên PAKê anîn ziman û di derbarê nêrîn û siyaseta PAKê ya giştî de agahdarî da. Herweha heyeta PAKê girîngîya komeleyên mehelî û girîngîya xebatên Komeleya Sêweregîyan anî ziman û got ‘em amade ne bi her awayî piştgirîya Komeleya Sêweregîyan bikin’.
Serokê Komeleya Sêweregîyan Burhan Erol, rêvebir û endamên Komeleyê bi awayekî germ û dostane pêşewazîya heyeta PAKê kirin û nêrîn û pêşniyarîyên xwe anîn ziman. Di hevdîtinê de sohbeteke berhemdar û têr û tije di navbeyna herdu alîyan de pêk hat.
Di dawîya seredanê de heyeta PAKê û revebirên Komeleya Sêweregîyan daxwaz û hêvîya berdewamîya van hevdîtin û sohbetan anîn ziman.
06.12.2021
Buroya Çapemenî û Ragehandinê ya PAKê