Heyeteke Partîya Welatparêzên Kurdistanê (PWK) ku ji Serokê Giştî yê PWKyê Mustafa Ozçelîk, Serokê Meclîsa PWK Ewropayê Baran Boskan, endamê Meclîsa Partîyê ya PWKyê Ferhad Boskan, Berpirsê Belçîkayê yê PWKyê Ahmed Alan pêk hatibû, roja 12.11.2024ê, li paytextê Belçîqayê, li Brukselê seredana Nûneratîya Hikûmeta Herêma Kurdistanê ya Yekitîya Ewropayê kir.
Nûnerê Hikûmeta Herêma Kurdistanê ya Yekitîya Ewropayê Dîlawer Ajgeyî pêşewazîya heyeta PWKyê kir.
Serokê Giştî yê PWKyê Mustafa Ozçelîk, ji ber vê pêşewazîyê spasîya Nûnerê Hikûmeta Herêma Kurdistanê ya Yekitîya Ewropayê Dîlawer Ajgeyî kir û di derbarê bername û sîyaseta PWKyê de agahdarî da.
Nûnerê Hikûmeta Herêma Kurdistanê ya Yekitîya Ewropayê Dîlawer Ajgeyî jî ji ber vê seredanê spasîya heyeta PWKyê kir.
Di vê hevdîtinê de li ser rewş û pêkhateyên li her çar perçeyên Kurdistanê, Tirkîyeyê, Iraqê, Rojhilata Navîn de, herdu alîyan nêrînên xwe pêşkêşî hev kirin.
Hevdîtina heyeta PWKyê û Nûnerê Hikûmeta Herêma Kurdistanê ya Yekitîya Ewropayê Dîlawer Ajgeyî di atmosfereke dostane û berhemdar de pêk hat.
12.11.2024
Buroya Ragehandinê ya Partîya Welatparêzên Kurdistanê (PWK)