Heyeteke Partîya Welatparêzên Kurdistanê(PWK) ku ji Cîhgirê Serokê Giştî yê PWKyê Mehmet Can Azbay, Serokê Meclîsa PWK Ewropayê Merd Baran Boskan, endamên Komîteya Birêvebir a Navendî ya PWKyê Yûsûf Aydin, endamên Meclîsa Partîyê ya PWKyê Nezîr Akat û Mûsa Ekîngen pêk hatî, roja 06.10.2024ê li Amedê seredana Platforma Ciwanên Serbixwe (PCS) kirin.
Serokê PCSyê Ferît Azad û rêvebirên PCSyê pêşewazîya heyeta PWKyê kirin.
Heyeta PWKyê ji ber ji hevsê berdana rêvebirên PCSyê kêfxweşîya xwe anî zimên û piştgirîya xwe pêşkêşî PCSyê kir.
Heyeta PCSyê jî ji ber vê seredanê û piştgirîya PWKyê ya ji bo PCSyê spasîya xwe pêşkêşî PWKyê kir.
Heyeta PWK û PCSyê, pêwîstîya dîyalog û xebatên hevbeş yên hêzên neteweyî û girîngîya xebatên ji bo zimanê kurdî wek fikra hevbeş anîn zimên.
Hevdîtina heyeta PWK û PCSyê, di atmosfereke dostane û berhemdar de derbas bû.
Buroya Regehandinê ya Partîya Welatparêzên Kurdistanê (PWK)