Heyeteke PAKê(Partîya Azadîya Kurdistanê) roja 18.04.2022yê li Amedê seredana DTSO(Dîyarbakir Tîcaret ve Sanayî Odasi-Odeya Tîcaretê û Pîşesazîyê ya Dîyarbakirê) kir.
Heyeta PAKê ji Serokê Giştî yê PAKê Mustafa Ozçelîk, Cîhgirên Serokê Giştî yê PAKê Kasim Ergun û Vahît Aba, Endamên Komîteya Birevebir a PAKê Nezîhe Karahan û Mîrza Akar, Berdevkê PAKê Hanîfî Tûran pêk hatibû.
Serokê DTSOyê Mehmet Kaya, Cîhgirên Serokê DTSOyê Erdal Avşar û Ercan Tayinlamak pêşewazîya heyeta PAKê kirin.
Heyeta PAKê, ji ber vê pêşewazîyê spasîya Mehmet Kaya û rêvebirên DTSOyê kir.
Serokê DTSOyê Mehmet Kaya û heyeta DTSOyê jî ji ber vê seredanê spasîya heyeta PAKê kirin.
Heyeta PAKê û heyeta DTSOyê di derbarê rewşa Kurdistanê, Tirkîyeyê û herêmê bîr û rayên xwe bi hevdu re parve kirin. Bi taybetî jî ji bo li ser daxwazên acîl ên kurdan , bi potansîyeleke berfireh terefê kurd bê ava kirin, herdu heyetan jî bîr û ray û pêşeniyarîyên hevbeş anîn ziman.
Hevdîtina heyata PAKê û heyeta DTSOyê di atmosfereke dostane , berhemdar û erênî de derbas bû.
18.04.2022
Buroya Çapemenî û Ragehandinê ya PAKê