Li çargoşeya ewlehiyê ya Hesekê fermandarê grûpa El-Dîfa El-Wetenî dest danî ser firneya mezin a bajêr.
Li gor çavkaniyên Rêveberiya Xweser, li bajarê Hesekê yê Rojavayê Kurdistanê, fermandarê grûpa El-Dîfa El-Wetenî ya girêdayî Hikûmeta Sûriyeyê Ebdulqadir Hemo dest danî ser firneya mezin a bajêr.
Sedema destdanînê jî ew bûye ku karmendên firneyê nan nedaye wî û endamên grûpa El-Dîfa El-Wetenî.
Li gor heman çavkaniyan, 3 roj in alozî di navbera fermandarê grûpa El-Dîfa El-Wetenî û hêzên hikûmetê yên li nav bajêr de derketiye.
Şeva pêncşemê dengê teqîneke mezin li çargoşeya ewlehiyê hatibû bihîstin.
Tebaxa borî, li bajarê Hesekê alozî di navbera Ebdulqadir Hemo û hoza Cibûran a Erebî de derketibû.
Sedema wê jî Ebdulqadir Hemo sivikatî bi şêxê hoza Cibûran Ebdilezîz Mislit kiribû.
RÛDAW