Partîya Maf û Azadîyan (HAK-PAR), Partîya Sosyalîst a Kurdistanê (PSK), Partîya Welatparêzên Kurdistanê (PWK), roja 15ê Çileya Pêşîn a 2024ê, li Stenbolê, li hola KURD-KAVê, bi hev re, bi semînerekê, Roja Alaya Kurdistanê Pîroz kirin.
Di destpêka semînerê de, Serokê KURD-KAVê Mehmet Celal Baykara di derbarê Roja Alaya Kurdistanê de axaftinek kir.
Paşê Nûnerê PWKyê yê Stenbolê Cengîz Gungor bixêrhatina beşdaran kir, ji bo cîh dane wan, spasîya KURD-KAVê kir û ji bo şehîdên Kurdistanê rêz hate girtin.
Piştî rêzgirtina ji bo şehîdan, Nûnerê PWKyê yê Stenbolê Cengîz Gungor bi kurdî, Cîhgirê Serokê Giştî yê PSKyê Bahatti Tûran bi tirkî daxuyanîya hevbeş a HAK-PAR, PSK û PWKyê ya di derbarê Roja Alaya Kurdistanê xwendin. Serokê Teşkîlata Stendolê ya HAK-PARê Ahmet Engîn jî di derbarê Roja Alaya Kurdistanê de kurta xaftinek kir.
Piştî xwendina daxuyanîya hevbeş, nûnerê Tevgera Avakirina Demokratîk a Kurdistanî-Sûrîye Mustafa Evdo û endamê Meclîsa PWKyê Mehmet Gul, di derbarê girîngî, mane û dîroka Alaya Kurdistanê de axaftin kirin. Welatperwerê kurd, rêvebirê PWKyê Abdulmecîd Kapazan jî di derbarê Alaya Kurdistanê de helbestek xwend.
Serokê KURD-KAVê Mehmet Celal Baykara û rêvebirên KURD-KAVê, sîyasetmedar û rewşenbîrên kurd û rendamên HAK-PARî, PSKyî, PWKyî beşdarî ve çalakîyê bûn.
Çalakîya hevbeş a HAK-PAR, PSK û PWKyê ya ji bo Roja Alaya Kurdistanê di atmosfereke berhemdar de derbas bû.