Piştî bi rêveçûna çileyên şehîdên serhildanê li bajarê Ciwanroyê, rejîma Îranê bi armanca tirsandina xelkê û binçavkirina nûciwanan, hêzeke zêde bo wî bajarî şandiye.
Pêka nûçe û zaniyariyên ku bo malpera Kurdistanmedia”yê hatine şandin, hêzên serkutker ên rejîmê piştî serhildana seranserî ya gelên Îranê bi taybet gelê Kurd li Rojhilatê Kurdistanê, hêzeke zêde bi armanca serkut û binçavkirina xelkê bo bajarên Rojhilatê Kurdistanê şandine.
Piştî bi rêveçûna çileya şehîdên “Şoreşa Jîna”yê li bajarê Ciwanroyê û rawestana xelkê bivêr û azadîxwaz ên wî bajarî li hember hêzên serkutker, rejîma Îranê hêzeke zêde bo wî bajarî şandiye û bi şêwazek hovane, xelkê binçav dikin.
Di bajarê Ciwanroyê de hêzên rejîmê bi dom êrîş dikin ser malên welatiyan û tevî binçavkirina nûciwanên wî bajarî, li pey wan birîndaran digerin ku seredana nexweşxaneyan nekirine.
Di meşa vê serhildanê de hêzên rejîmê bi dom û bi awayê rasterast teqe li xelkê serhildêr ên Kurdistanê kirine û niha jî li pey wan birîndaran kevtine ku seredana nexweşxaneyan nekirine, lewma, bê hebûna her cure hincetekê, êrîşî ser malên welatiyan dikin û nûciwanan binçav dikin.
Nûçe: Kurdistan Media