Lêpirsîna derbarê teqîna Amedê de berdewam e û girêdayî bûyerê 12 kesên din hatin desteserkirin ku bi giştî hejmara desteserkiriyan gihişte 17 kesan.
Serdozgeriya Komarê ya Amedê li ser lêpirsina derbarê teqîna Amedê de berdewam e.
Berî sê rojan di dema derbasbûna wesayîta veguhestina polîsan de otomobîlek teqiyabû û di encam de 1 jê sivîl û 8 polîs bi giştî 9 kes birîndar bûbûn.
Piştî bûyerê bi îdîaya ku gumanbarên bûyerê ne, 5 kes hatibûn desteserkirin. Îro Duşemê 19ê Kanûna 2022an jî hat ragihandin ku 12 kesên din hatine desteserkirin û bi vî awayî hejmara yên hatine desteserkirin gihişte 17 kesan.
Li gor agahiyan, karûbarên yasayî yên 17 kesên desteserkirî berdewam in.
Roja 16ê Kanûna 2022an demjimêrên serê sibehê li bajarê Amedê ya Bakurê Kurdistanê di dema derbasbûna wesayîta veguhestina polîsan de teqînek çêbûbû û di encamê de 8 ji wan polîs û endazyarek bi giştî 9 kes birîndar bûbûn.
Wezîrê Navxwe yê Tirkiyê Suleyman Soylu heman rojê serdana cihê teqînê kiribû û gotibû, teqîn li navçeya Licê ya Amedê hatiye plankirin û berpirsê teqînê li ser rêya navçeya Liceyê hatiye desteserkirin.