Roja Şemî 23ê Rezberê, şandeke bilind a hikûmeta Herêma Kurdistanê bi serperestiya “Rêber Ehmed” û ya Îraqê jî, bi serperestiya Şêwêrmendê Ewlehiya Îraqê “Qasim E`irecî” serdana Îranê kirin ku girîngtirîn kombûna wan digel Wezêrê Derve yê rejîma Îranê “Husênemîr Ebdullahiyan” bû.
Di vê kombûnê de bi hûrî behs li ser êrîşa bo ser binke û bargehên Partiyên Rojhilatê Kurdistanê hate kirin û di vê kombûnê de rejîma Îranê daxwaz kiriye ku binke û bargehên hizbên Rojhilatê Kurdistana Îranê bêne bêne komkirin û çekkirin.
Ew daxwazên rejîma Îranê ji aliyê “Rêber Ehmed” ve hate redkirin û navbirî got: “Ew daxwaza we daxwaziyek hêsan nîne, çimkî hatina hizbên Rojhilatê li serdema hikûmeta Herêma Kurdistanê de nebûye û li serdema hikûmeta berê ya Îraqê de bûye.”
“Rêber Ehmed” ku di vê kombûnê de bi kurdî bersiv dida, axavtinî wî ji aliyê wergêrek Ereb ve dihatine wergêrankirin, ku wergêr navê terorîst bo hizbên Rojhilatê bi kar anîbû, û Rêber Ehmed her zû bertekê xwe nîşan dide û dibêje: “Min negotiye terorîst, ew terorîst nînin, ew hêzên Kurdî ne”.
Herwisa Wezîrê Derve yê Îraqê “Fuad Husên” ku di kombûneke din de beşdarî kiribû, rejîma Îranê dîsan gef li hizbên Rojhilatê Kurdistanê dixwe û daxwaz dike ku bargehên wan bêne çolkirin; di bersivê de “Fuad Hisên” vê yekê red dike û dibêje: “Careke din hêzên Kurdî, li hember hêzên Kurdî şer nakin”.