Wezîrê Karên Derve yê Iraqê Fuad Husên, di derbarê şerê Rûsyayê yê li dijî Ukraynayê de, hişyarî da û got: “Agirê şerê Ukraynayê, wê bigihîje Rojhilata Navîn û Iraqê.”
Fuad Husên eşkere kir, agirê şerê Ukraynayê wê bigihîje Rojhilata Navîn û Iraqê û diyar kir, hevkêşeyên navdewletî wisa ne "yan tu li gel me yî, yan li dijî me yî", loma bandorên wê ew ê bigihîjin navçe û Iraqê.
Husên destnîşan kir, aliyên siyasî yên Iraqê li gor pêwendiyên xwe yên navdewletî, bandora şerê Rûsyayê li dijî Ukraynayê, wê bi ser wan de dirust bibe.
Wezîrê Karên Derve yê Iraqê da zanîn, divê zimanê gotûbêjan di ser tund û tûjiyê de be, çimkî Iraq nikare şerekî din tehemul bike.
Herwiha eşkere kir: “3 nifşên welatê me di nav şer û rûbirûbûna serbazî de jiyane.”