Wezîrê Derve yê Fransayê Jean-Noil Barrot dibêje: “Divê hevpeymanên me yên Kurd li Sûriyeyê bên parastin.”
Wezîrê Derve yê Fransayê Jean-Noil Barrot îro 18ê Berçile ji ajansa “Reuters” re ragihand: “Divê hevpeymanên me yên Kurd li Sûriyeyê bên parastin û HSD bibe beşek ji veguhertina siyasî li Sûriyeyê.”
Da zanîn jî: “Serokê Fransayê Emmanuel Macron ji Serokkomarê Tirkiyeyê Recep Tayyip Erdogan re tekezî li ser pêwîstiya tevlîkirina Kurdên Sûriyê di proseya siyasî de kiriye.”
Barrot got: “Em kar ji bo gihîştina lihevkirinekê di navbera Tirkiye û Kurdên Bakurê Sûriyê de dikin.”
Wezîrê Derve yê Fransayê tekezî li ser wê yekê kir, “Divê şerê li Minbic û Kobanê demildest bê rawestandin.”
Wezîrê Derve yê Fransayê da zanîn jî: “Em ê di meha Çile de li ser rewşa Sûriyeyê bi hevalbendên xwe yên Ereb, Tirk û Rojava re civînekê li dar bixin.”
Amaje bi wê jî kir, rakirina cezayên li ser Sûriyeyê, divê bi merc be û li gorî panbendiya bi erkên siyasî û ewlekariyê be.
Wezîrê Derve yê Fransayê got jî: “Pêwîst e danûstandin bi rejîma nû ya Sûriyeyê re ne li ser gotinan be, divê li ser kiryaran be.”