Fezlekeya derbarê rakirina parêzbendiya 10 parlamenterên Partiya Demokratîk a Gelan (HDP), 3 parlamenterên Partiya Gel a Komarî (CHP), Hevseroka DBPê û parlamenterekî Partiya Karkerên Tirkiyê (TÎP) bo Parlamentoya Tirkiyê hat şandin.
Di nav de Hevserokê HDPê Mithat Sancar bi armanca rakirina parêzbendiya 15 parlamenteran 16 fezlekeyên Serokkomariya Tirkiyê, bo Parlamentoya Tirkiyê hatin şandin û dê li Komîsyona Têkel a Dadê ya Destûrê bên gotûbêjkirin.
Di fezlekeyan de tê daxwazkirin, parêzbendiya Hevserokê HDPê Mithat Sancar, Parlamenterê HDPê yê Şirnexê Huseyin Kaçmaz, Parlamentera HDPê ya Şirnexê Nuran Îmir, Parlamenterê HDPê yê Êlihê Mehmet Ruştu Tiryaki, Parlamentera HDPê ya Wanê Muazzez Orhan Işik, Parlamentera HDPê ya Mûşê Şevin Coşkun, Parlamenterê HDPê yê Agiriyê Berdan Ozturk, Parlamenterê HDPê yê Dîlokê Mahmut Togrul, Parlamenterê HDPê yê Wanê Murat Sarisaç, Parlamentera Amedê û Hevseroka DBP Salihe Aydeniz, Serokê Koma CHPê ya Parlamentoyê Engin Ozkoç, Parlamenterê CHPê yê Stenbolê Sezgin Tanrikulu, Parlamenterê CHPê yê Mersinê Ali Mahir Başarir û Parlamenterê TÎPê yê Hatayê Barış Atay Mengulluoglu bê rakirin.
Eger Komîsyona Têkel a Dadê ya Destûrê ya Parlamentoya Tirkiyê, biryara rakirina parêzbendiya parlamenteran bide, dê li Parlamentoya Tirkiyê dengdan li ser bê kirin.