Serokê Sûriyê Beşar Esed ragihand, vekişîna Tirkiyê ji axa Sûriyê şertê asayîkirina pêwendiyên navbera Enqere û Şamê ye.
Ajansa fermî ya Sûriyê SANA ragihand, Serokê Sûriyê Beşar Esed û Wezîrê Derve yê Îranê Husên Emîr Ebdullahiyan li Şamê civiyan.
Hat ragihandin ku Beşar Esed û Husên Emîr Ebdullahiyan pêwendiyên dualî û hevkariya di navbera Sûriyê û Iranê de, vegera penaberan û vekşandina Tirkiyê ji Sûriyê gotûbêj kirine.
Li gor SANA belav kiriye, Esed ji Ebdulahiyan re tekez kiriye, heya ku Tirkiye ji xaka Sûriyê venekişe, pêwendiyên Şam û Enqerê asayî nabin.