Parlamentoya Ermenistanê 3yê Tebaxê wekî “Roja Bibîranîna Komkujiya Êzidiyan” ragihand.
Li gorî nûçeya Armenpressê, Parlamentoya Ermenistanê bi 88 dengan projeyasaya pêkanîna guhertinê di “Rojên Cejnê û Bibîranînên Ermenistanê” de pesend kir.
Parlamenterê Partiya Peymana Sivîl ê Êzidî Rustem Bekoyan pêşniyara guherînê di yasaya Rojên Cejnê û Bibîranînên Ermenistanê de kiribû û ew pêşkêşî Parlamentoya Ermenistanê kiribû.
Rustem Bekoyan da zanîn ku dive komkujiya li hemberî Êzidiyan hatiye kirin ji aliyê raya giştî ya Ermenistanê û hemû mirovahiyê ve bê zanîn.
Rustem Bekoyan amaje bi wê yekê jî kir ku Komkujiya Êzidiyan di van salên dawî de ji aliyê bi dehan welat û Konseya Ewlehiyê ya Neteweyên Yekbûyî jî ve wekî komkujî hatiye naskirin.
Parlamentoya Ermenistanê êrişa DAIŞê ya 3yê Tebaxa 2014an a li Şingalê û kuştin û revandina Kurdên Êzidî wekî “komkujî” qebûl kiribû.