Serokkomarê Tirkiyê Recep Tayip Erdogan bi Serokwezîrê Îsraîlê Yair Lapid re bi telefonê axivî.
Li gor daxuyaniya Serokatiya Ragihandinê ya ser bi Serokkomariya Tirkiyê di axavtinê de têkiliyên Tirkiye û Îsraîlê û mijarên herêmî hatin gotûbêjkirin.
Erdogan kêfxweşiya xwe ya ji ber pêşketina peywendiyên Tirkiye û Îsraîlê di çarçoveya serdanên Serokomarê Îsraîlê Ishaq Herzog û Serokwezîrê Îsraîlê Yaîr Lapîd ên Tirkiyê de li ser li hev kiribûn nîşan da.
Erdogan amaje bi biryara tayînkirina balyozan a di navbera her du welatan de jî kir ku îro hat ragihandin, Erdogan diyar kir ku ji bo tayînkirina balyozê nû di demeke kurt de dê gavên pêwîst bavêjin.
Serokkomarê Tirkiyê Erdogan destnîşan kir ku ew piştgiriyê didin hevkarî û diyaloga di navbera Tirkiye û Îsraîlê de ku li ser bingeheke domdar û esasa rêzgirtina hesasiyetên dualî bê pêşxistin.