Desteya Serokatiya Encûmena Niştîmanî ya Kurdî li Sûriyê (ENKS) li bajarê Qamişlo yê Rojavayê Kurdistanê, pêşwazîya şandeke Brîtanî kir û geşedanên dawî yên li Sûriyeyê hatin gotûbêj kirin.
Li gorî duxayaniya Ragihandina ENKSê, Desteya Serokatiya ENKSê doh 15ê Nîsanê li bajarê Qamişlo pêşwazî li şandeke Brîtanî kir û hejmarek mijar ligel hev gotûbêj kirin.
Hate diyarkirin, ev serdan di çarçoveya hewlên ji bo pêkanîna aştî û aramiyê li herêmê de hatiye kirin û tê de geşedanên dawî yên li ser qada Sûriyeyê bi giştî û qada kurdî bi taybetî hatin gotûbêjkirin.
ENKSê da xuyakirin, “Di civînê de behsa girîngiya diyaloga kurdî – kurdî û avakirina şandeke hevbeş ji bo nûneratiya gelê kurd di diyaloga ligel desthilatên nû yên Şamê de, hat kirin.”
Herwiha di daxuyaniyê de hat gotin, “Şanda Brîtanî rola ENKSê û têkoşîna wê ya berdewam ji bo bidestxistina daxwazên gelê kurd li Sûriyeyê bilind nirxand.”