Encûmena Niştîmanî ya Kurd li Sûriyeyê (ENKS) daxuyaniyek li ser kuştina Ismaîl Fetah belav kir, herwesa HSDê berpirs dibîne.
ENKSê got, di 16ê vê mehê de malbata Ismaîl Fetah ragihand ku ew li devera Çil Axa ya Dêrikê wenda bûye, piştî lêpirsînê diyar bû ku li ba Rêveberiya PYDê girtî ye, malbata wî û şêniyên deverê bi nûçeya dîtina termê Ismaîl li gundewarê Tirbespiyê şeva 19ê mehê matmayî man ku, ji aliyê heman hêzên ewlekariyê ve hat ragihandin.
Encûmena Niştîmanî ya Kurd li Sûriyeyê (ENKS) kuştina Ismaîl Fetah ê endamê Emîndariya Giştî bi tundî şermezar kir û sersaxî ji malbat, kesûkarên wî û endamên xwe re xwest.
ENKSê amaje jî da, kiryarên weha û kuştina xebatkar Ismaîl, ê ku bi dilsozî xizmeta gelê xwe kiriye, di van demên hestiyar de bizavên avakirina baweriyê û yekrêziya Kurdî ji nav dibin.
ENKS HSD û hêzên ewlekariyê yên bi ser PYDê ve berpirs dibîne û daxwaza diyarkirina hûrguliyên tawanê ji raya giştî re û dadgehkirin û sizakirina tawanbaran dike.