Binkeya Dirbêsiyê ya Encûmena Niştimaniya Kurd li Sûriyê (ENKS) hat şewitandin. ENKSê ragihand ku Ciwanên Şoreşger ên ser bi PYDê ve binkeya wan şewitandiye.
Ji malpera ENKSê ve hat ragihandin ku deriyê ofîsa Partiya Demokrat a Kurdistanê - Sûriye (PDK-S) ya li Dirbêsiyê hatiye şikandin û bi molotofan hatiye şewitandin.
Li gorî agahiyên dawîn ên ENKSê, ev ne cara yekemîn e ku ofîs û partiyên wan ji aliyê Ciwanên Şoreşger ên ser bi PYDê ve tên şewitandin. Rayedarên ENKSê radighandin ku HSD ji van kiryarên xirab berpirsiyar e.
Hat ragihandin ku êrîş bi armanca sistkirina pêwendî û dan û stendinên navbera Kurdan a xwe bixwe ya li Rojavayê Kurdistanê hatiye kirin.