Encûmena Asayîşa Netewên Yekgirtî bi daxuyaniyekê êrîşa li ser Zaxo bi tundî şermezar kir û diyar kir, ew piştgiriya desthilatdarên Iraqê ji bo pêkanîna lêkolînan derbarê vê êrîşê de dikin.
Encûmena Asayîşa Netewên Yekgirtî do Duşemê di derbarê êrîşa li ser Zaxo de daxuyanî da û got, endamên Encûmena Asayişa Navdewletî hevxemiya xwe ji malbatên qurbaniyan û Hikûmeta Iraq û Herêma Kurdistana Iraqê re nîşan didin û hêviya başbûna bilez û temam ji bo birîndaran dixwazin û piştgiriya desthilatdarên Iraqê ji bo pêkanîna lêkolînê derbarê bûyerê de dikin.
Herwiha Endamên Encûmena Asayişa Navdewletî daxwaz ji hemû welatên endam dikin ku bi awayekî çalak ligel Hikûmeta Iraqê û hemû dezgehên din ên pêwendîdar ji bo piştgirîkirina van lêkolînan, hevkariyê bikin.
Di berdewamiya daxuyaniyê de hat eşkerekirin: “Endamên Encumena Asayişa Navdewletî piştevaniya xwe ji bo serxwebûn, serwerî, yekîtî, yekparçeyiya ax, proseya demokratîk û geşbûna Iraqê dubare dikin.”